Nanawagan hi Manila Archbishop Jose Cardinal Advincula hin pag hunong han gin tatawag hini nga “waray saysay nga gyera” ha Middle East ha iya mensahe para ha Pasko han Pagkabanhaw.
Ha naging pamahayag hini, nakikiusa an Cardinal ha panawagan ni Pope Leo XIV para ha kahimyang ha butnga han padayon nga tensyon ha butnga han Iran, Estados Unidos, ngan Israel nga nagtikang dida han nakalabay nga bulan.
Sumala kan Advincula, an Pasko han Pagkabuhi in usa nga diri marahas nga pakikig-asdangay ha kangaralson.
Gin tagan duon pa hini nga mintras nabay-og an tuna dara han mga drone ngan missile, an utro nga pagkabuhi ni Hesus in usa nga tinuod nga sumat na kinahanglan han kalibutan agud tapuson na an pagkukuri han mga tawo ug kaguba han mga lugar.
Gin aaghat pa han Arsobispo an mga Pilipino nga likayan an gin tatawag nga globalization of indifference ug an normalisasyon han genocide ha iba-iba nga parte han kalibutan.
Manunumduman nga ha iya homilya dida han Biyernes Santo, in gin tagan duon han Cardinal an epekto han gyera ha Middle East ha mga Pilipino, partikular na ha mga Overseas Filipino Workers (OFWs) ngan ha paghitaas han presyo han lana ha nasud.
Samtang, ginhuman han Cardinal an iya mensahe pinaagi han usa nga pag-ampo nga gin lalauman magseserbi kumo higayon yana nga panahon agud palibuton an mga bato han pagtalumpigos ug tapuon an bag-o nga adlaw hin may-ada paglaom.
