NATIONAL – Waray igdiwara han Department of Agriculture (DA) nga medyo humitaas an presyo han karne han baboy ha nasud tungod han epekto han African Swine Fever.
Sumala han DA, dida han ira pagbisita ha mga merkado, ira napansin an nasabi nga epekto han pag-umento han presyo.
Tikang han una nga P390 kada kilo han baboy, yana aada na ha butnga han P450 -P490 kada kilo.
Dugang pa han DA nga tikang han nakalabay nga 13 milyones nga mga ulo han baboy ha bug-os nga nasud ugsa umabot an ASF, yana in umabot nala ha 8.5 milyones.
Para mabaton ini, plano daw nira magbutang hin Food Terminal Incorporated (FTI) nga direkta nga mamamalit hin karne hin baboy ha mga tag-iya hin baboy.
Naglalaum gihapon an DA nga maaprobaran han Food and Drugs Administration (FDA) an komersyal nga pagpagawas han bakuna kontra ASF.
