TACLOBAN CITY – Mas makababaraka an paghitaas han presyo han papliton kumpara han pag-umento han presyo han lana.
Ini in sumala kan Tacloban Marasbaras Drivers and Operators Transport Cooperative (TAMADOTCO) Board of Director ngan Vice Chairman, Leo Templado.
Dugang pa hini, maiha na gudman nga mayda petisyon ha nasyunal para han pag-dugang pamasahe sanglit dire gud makababaraka bisan pa kun magkamay-ada hin P6-P10 nga umento ha kada litro han gasolina.
Sugadman, dire maililikay nga makakapekto ini ha ira nga mga drivers ngan operators, in dire liwat ini sugad ka-makulba.
Sumala pa kan Templado, mas makababaraka nga ha paghitaas han presyo han lana in maaapektuhan gihapon hini an presyo han mga pangunahon nga papliton kun diin dako an posibilidad nga humitaas gihapon an presyo hini.
Gintagan-duon gihapon hini nga dire supresyente an fuel subsidy la nga gin aaro han mga driver, kun mahihimo, amyendahan ngan tutukan ini ha nasyunal mahitungod nga ginkukurian gihapon an mga mamumuhunan.
