Gin amin han New NAIA Infrastructure Corporation (NNIC) an tikaharani nga paghitaas han passenger service charge ha Ninoy Aquino International Airport (NAIA).
Duon pa han mga ine, an gobyerno an nagtalaan hine ha ilarom han Manila International Airport Authority (MIAA) Administrative Order Number 1 Series of 2024, nga gin aprubahan han Department of Transportation (DOTr) ngan han mismo gabinete.
Subay ha private firm, an makokolekta ha bag-o nga rates han passenger service charge in mahingangadto direkta ha airport operation ngan ha pagpapaupay han serbisyo para ha mga pasaheros.
Yana la daw gihapon nagpahitaas hin sukot makalabay an sobra 20 katuig.
Tinikangan hiton Setyembre in magigin P950 na an international passenger service charge tikang ha presente nga P550, samtang an domestic passenger service charge naman in ada P390 na tikang ha presente nga P200 la.
Dire naman susukton hine an mga overseas Filipino worker (OFW) kumo kaparte han konsiderasyon.
