TACLOBAN CITY – Gin tikangan na an pagpatuman han paghitaas han pasahe ha syudad para han mga pampubliko nga sarakyan.
Sumala kan Leo Timplado, Board of Director ngan Vice Chairman han Tacloban-Marasabaras Drivers and Operators Transport Cooperative (TAMADOTCO), nagtikang na an pagpatuman han paghitaas han presyo han pamasahe ha syudad han Tacloban mahuman nga magpagawas na han mga bag-o nga taripa an syudad.
Ha pagkayana, an TAMADOTCO-Marasbaras in mayda na 25 nga mga drivers an nakakuha hin bag-o nga taripa ngan ada nala han 19 kabug-os han mga ine an waray pa katatagi.
Samtang, an TAMADOTCO-Campetic naman in ada na ha 20 kabug-os an nakakuha ngan guti nala daw adton waray pa.
Dire naman gintutugutan nga magpatuman han kadugangan nga pasahe adton waray pa makakuha hin bag-o nga taripa.
