Gin papaimbestigahan ni Senator Mark Villar an nagtitikahitaas nga kaso han Chronic Kidney Disease (CKD) ha nasud, labi na ha mga kabataan.
Naalarma hi Villar mahitungod nga subay ha pahayag han Department of Health (DOH), nagtitikabata an naiigo han CKD ha nasud mahuman nga usa nga 9-anyos nga bata an na-diagnose nga mayda grabe nga sakit ha bato.
Ha Senate Resolution No. 313 nga iginsalawad han senador, umapela ini ha Senado nga dayun nga imbestigahan an kasumpay ha paghitaas han mga kaso.
Karuyag han magbabalaod nga rebisahon an mga programa ngan pitad nga iginpapatuman han gobyerno kasumpay han CKD.
Bisan mga kun mayda mga pitad nga iginpapatuman agud solusyunan an CKD, gintudlok ni Villar nga damo la gihapon an kinahanglan tagan hin pansin agud mabaton ini.
Tikang ha awareness campaigns kutob ha aktwal nga suporta nga iginhahatag ha mga pasyente nga nagpapailarom ha pagtambal. kinahanglan gihapon magin proactive an gobyerno.
