-- Advertisements --
TACLOBAN CITY – Titikangan na han Lokal nga Panggobyernuhan han Alangalang, Leyte an pagrenovate ngan pagpaupay pa han ira merkado publiko yana nga tiaarabot nga bulan hiton Abril 2023.
Titikangan na an Phase 1 han paghingayad nga kun diin, mayda ini budget nga maabot ha P31M nga posible humagos hin 2-3 kabulan antis mahuman.
Sumala kan Alangalang, Leyte Mayor Lovell Ann Yu-Castro, nga ini nga paghingayad in makakabulig para ha pagpaupay ngan pagpauswag pa han mao nga munisipalidad.
Temporaryo gihapon nga igbubutang la anay an 16 nga mga stall owners han iba-iba nga opisina, grocery store, bakery ngan iba pa nga maaapektuhan itun paghingayad ha may printi nga dapit han merkado an igbubutang la anay ha municipal grandstand.
