NATIONAL NEWS– Naitala han Department of Health (DOH) an 124 kaso nga rabies ha nasud tikang han Enero 1 -Mayo 17, 2025.
Ine in kabalyo han 32% nga mas hamubo kumpara ha 183 nga kaso han nakalabay nga tuig.
Sumala kan DOH Assistant Secretary Dr. Albert Domingo, pinakadamo nga kaso an naitala han ahensya in ha Central Luzon (21), ginsundan ine han Zamboanga Peninsula (15), ngan Calabarzon (12).
Ha kaluyo nga hamubo an ihap, gintagan duon ni Domingo nga an rabies in nakakamatay kun magtikang na an sintomas ngan 100% an case fatality rate hine.
Ginsagdunan naman han DOH an publiko nga pabakunahan an mga alaga nga hayop, matungod nga libre naman ine ha mga lokal nga pangobyernuhan, ngan pwede gihapon magpabukan ha mga pribado nga bakunahan ngan ine in nagkakantidad hin P100 – P400.
