Utro nga iginduduso ni Senate President Sherwin Gatchalian an panukala nga igbawal an paggamit hin smartphones o cellphones ngan iba pa nga electronic devices ha mga pampubliko ngan pribado nga iskuylahan.
An utro nga pagduduso hini in kasumpay na gihapon han pagsuspendi di pala maiha han face-to-face classes ha usa nga public school ha Batangas mahitungod ha nakarawat nga hulga hin pamusil.
Ha Senate Bill 627 o Electronic Gadget-Free Schools Act nga iginsalawad ni Gatchalian, iginbabawal an paggamit han mga istudyante han smartphones ngan iba pa nga electronic devices kada mayda klase, tikang Kindergarten kutob Senior High School.
Sugadman, mayda exemption an panukala kun diin ha mga classroom presentations, learning activities, ngan para ha mga gamit pan-edukasyon nga pinangungunahan han magturutdo in tutugutan naman an paggamit han mga gadgets.
Tutugutan gihapon an paggamit hin mobile devices ngan iba pa nga electronic gadgets para ha mga istudyante nga mayda partikular nga kondisyon ha panlawas, sugadman ha panahon han emergency o iba pa nga sitwasyon nga mayda hulga o kadelikaduhan.
