TACLOBAN CITY – Nagin mahimyang ngan maupay an pag-obserba hiton kalag-kalag yana nga tuig ha mga sementeryo han syudad han Tacloban.
Sumala kan PMAJ. Marjorie Manuta, Information Officer han TCPO, gin pahayag ine nga nagin maupay an operasyon hiton kapulisan ha pag-obserba hiton Undas in tungod nga disiplinado ngan cooperative mangud an mga bumisita ha mga sementeryo.
Nagkamayda la hira minor nga problema dida na han pag abot hiton kulop, kun diin nagka may-ada mabug-at nga trapiko ha karsada hiton Holy Cross Memorial pero madagmit ine dayon nga gin aksyonan han TOMECO.
Ginpasalamatan naman hine an mga force multipliers ngan mga kabulig pag-obserba, nga gindeploy ha mga sementeryo para ha pagdumara hiton Undas han siyudad.
Ha pagkayana in padayon la gihapon hira nag obserba hiton mga sementeryo ine in matungod nga mayda lagihapon mga tawo nga waray makabisita dida han Nobyembre 1 ngan 2.
