TACLOBAN CITY – Nakadepende ha mga eskwelahan an pagbuot kun magkakamay-ada na hin 100% nga face-to-face nga klase adton mga ekswelahan ha kolehiyo.
Sumala kan Dr. Mylah Javier, Information Officer han Commission on Higher Education (CHED) Regional Office 8, an eskwelahan an magdedesisyon kun magkakamay-ada na hira hin face-to-face classes mahitungod nga hira an mas makakahibaro han ira kapasidad han ira mga classrooms.
Dugang pa hine, bisan pa man daw kun waray pa an pandemic in may-ada na mga iskuylahan nga dire 100% an klase mahitungod nga an iba han mga ine in kulang hin gamit labi na han laboratory kun diin para magin 1:1 an kada istudyante han mga gamit in gintutunga an mga estudyante ha iba-iba nga grupo.
Manunumduman nga dida han Nobyembre 2 in 100% na nga gin-abrihan an klase han DepEd kun diin bug-os na o face-to-face na pagdudumara han klase han mga ine.
