Ginpapasigurado han mga kongresista nga kaapi han Makabayan bloc nga tinuod nga maghahatag hin solusyon pag-abot ha publiko an magigin resulta han iginmando ni House Speaker Faustino “Bojie” Dy III nga joint hearings han 13 nga komite agud bilngan hin solusyon an epekto han pankalibutan nga krisis ha lana.
Sumala kan Representatives Antonio Tinio, Sarah Jane Elago, ngan Renee Co han Makabayan Bloc, an kinahanglan han publiko yana in magpasa hin mga balaod nga direkta magpapaubos ha presyo han mga papliton, matuldok ha profiteering, ngan magbubungkag ha palpak nga degulation framework.
Hirit han Makabayan bloc ha liderato han Kamara, igprayoridad an mga committee hearing para ha panukala nga pag-regulate ha downstream petroleum industry ngan pagrepaso ha Oil Deregulation Law.
Duon nira Tinio, Elago, ngan Co, kinahanglan magin klaro an gastos ngan tubo ha kada litro han lana ngan kinahanglan mayda kapas an Estado nga pugngan an lantaran nga paghitaas han presyo.
Dugang pa han Makabayan bloc, an nakatalaan nga joint hearing in kinahanglan subay ha panginahanglan han publiko, ngan dire agud proteheran an duro nga tubo o kita han kartel han mga kompanya han lana.
