NATIONAL NEWS– Waray magpabantad an Bureau of Fisheries and Aquatic Resources (BFAR) ngan ginpadayon an research missions ha West Philippine Sea (WPS) ha kaluyo han mga agresibo nga aksiyon han China Coast Guard (CCG).
Ine an gintagan duon ni BFAR spokesperson Nazario Briguera kasunod han pinak urhi nga pangha-harass han barko hiton China ha research vessel han BFAR ngan BRP Datu Sanday kun diin ginitgit ngan ginbombahan ine hin duha ka-beses han CCG vessel samtang nagdudumara hin routine marine scientific research mission ha Sandy Cay.
Subay hiton opisyal, nakumpleto la gihapon han BFAR vessel an misyon ha kaluyo han naangkon hine nga guba kasagsagan han water cannon incident.
Ginklaro naman ni Briguera nga nagpapabilin nga seaworthy an barko ngan magpapadayon la gihapon ha plano operasyon.
