NATIONAL – Nagtikang na an paghingaday ha balaudnon nga national budget para ha masunod nga tuig pinaagi han briefing han Development Budget Coordination Committee (DBCC).
Ginpangunahan ni Senate Committee on Finance Chairman Senadora Grace Poe an diskusyon ha balaudnon nga P6.352 trillion national budget para ha masunod nga tuig.
Presdente ha DBCC briefing an mga opisyales tikang ha Department of Budget and Management, Department of Finance, National Economic and Development Authority, Office of the President, ngan Bangko Sentral ng Pilipinas.
Ginmalatumat ni Senadora Poe nga ira sisiguraduhon an transparency, accountability, ngan prudent o tadong nga paggamit han resources han gobyerno.
Syahan na nga gin anunsyo ni Poe nga an pagbukad ha propose nationak budget in aabuton kutob Oktubre 18.
Dugang pa hine, plano nira nga igpasa an committee report han 2025 national budget ngan maaprubahan ni Presidente Ferdinand Marcos Jr. ha syahan nga semana han Disyembre.
