Gintikangan na han House Committee on Information and Communications Technology (ICT) an konsolidayon han 29 nga mga panukala nga balaod agud makabug-os hin pinal nga bersyon han Digital Budget o Citizen Access and Disclosure of Expenditures for National Accountability (CADENA) Bill.
Sumala ha chairman han komite nga hi Camarines Sur 5th District Rep. Miguel Luis Villafuerte, panuyo han CADENA Bill nga mapakusog an pagduduso ha transparency ngan accountability ha paggamit han pondo han gobyerno agud maatuhan an korapsyon.
Ha ilarom han panukala in pagtutukuron an usa nga official digital budget portal kun diin nakasurat an ngatanan han impormasyon han ngatanan han mga transaksyon han gobyerno nga dabi ha pondo han nasud.
Ginmamanduhan han panukala an ngatanan han national government agencies ngan government-owned or controlled corporations nga ig-upload online agud makita han publiko an detalyado nga budget-related documents han ira mga proyekto o programa.
Subay ha balaudnon, papahamtangan hin sirot nga kriminal ngan administratibo an mga opisyal han gobyeno nga dire magsasapubliko ha nasabi nga mga dokumento o impormasyon.
