TACLOBAN CITY– Produktibo an nagin resulta han gindumara nga pagbisita ni DOTr Secretary Vince Dizon, kakulop dinhi ha Sinirangan Bisayas, partikular na ha may Amandayehan Basey Samar.
Sumala kan, Pel Tecson, Former Mayor Tanauan Leyte/Businessman, an panuyo han pagbisita ni Dizon, in mapadagmit an paghingyad han nasabi nga pantalan matungod ine mangud an pinakamadagmit nga biyahe pagtabok ha Samar ngan pakanhi ha Leyte.
Usa ha gin-bisita ni DOTr Secretary Dizon an pira nga ahensiya han gobyerno mahitungod han pagbabawal nga makaagi an mga lapos ha 3 metric tons ha San Juanico Bridge .
Una hini gin bisita an Port area han Tacloban kaupod hi Philippine Ports Authority General Manager Jay Santiago, Tacloban City Mayor Alfred Romauldez.
Sunod nga gin bisita liwat ni DOTr Secretary Dizon an Amandayehan Port ha Basey, Samar kaupod naman an Governor han Samar nga hi Sharee Ann Tan para inspection an aagian han mga truck ngan buses gamit an mga roro nga matabok ha Tacloban.
Mababaruan nga nag implement an DPWH hin axle load limit han mga sarakyan nga naagi ha San Juanico Bridge tungod han structural integrity concerns han mao nga tulay.
