TACLOBAN CITY- Guinduduso han pamunuan han Calbayog City ha Samar nga maundang na an tiningi-tingi o retail nga pagpanmaligya han mga produkto nga gasolina ngan petrolyo.
May kalabutan hini, nagdumara hin meeting hi Calbayog Mayor Ronald P. Aquino kaupod an mga operator ngan representante han mga oil station tikang ha mao nga syudad.
Naging unod naman han pagkaharampang an pagpaundang ha pag retail ha botilya han liquified petroleum products ha mga ligid han kakalsadahan.
Man ngani, naghangyo hi Mayor Aquino ha mga nagtatag-iya hin oil station nga “ig-regulate” an ira sales agud nga maipadangat an mao nga problema ha mga gasoline retailers.
Samtang, guinduon naman han Bureau of Fire Protection nga usa han mga nagiging kawsa hin sunog an bisan diin la nga pagpwesto ha pagbaligya han mao nga produkto.
