Iginpatuman han Department of the Interior and Local Government (DILG) an direktiba ha ilarom han Memorandum Circular 2026-066 nga ginpagawas dida han Enero 29—an pagbabawal ha pagbubutanga han ngaran, litrato, imahe, slogan, logo, mga inisyal, ngan iba pa nga simbolo nga pwede igsumpay ha hin-o man nga opisyal han gobyerno ha mga proyekto ngan karatula han gobyerno.
Gintagan-duon han DILG nga an mga programa nga pinondohan han gobyerno in tikang ha buwis han mga residente ngan dire angay gamiton kumo personal nga gamit ha pamumulitika, sanglit igin mando gihapon han ahensya an dayon nga pagtanggal han nga nagpapadayon nga materyales nga dire nasunod ha patakaran.
Kasumpay hine, nagpahayag hi Senate President Pro Tempore Panfilo “Ping” Lacson han iya bug-os nga suporta ha direktiba ngan iginduon nga dire naangay ha serbisyo-publiko an mga billboards ngan karatula nga mayda mga nawong ngan ngaran han mga pulitiko, mahitungod nga nagigin paagi ine han pag-angkon han krideto ngan pwede gihapo in magpakita han korapsyon o sobra nga paggastos, dire la ha mismo proyekto, kundi magin ha mga karatula nga ginpapaskilan han mga nawong ngan ngaran han pulitiko.
Dugang pa han senador, an national budget in dapat magserbi ha interes han publiko ngan dire dapat gamiton kumo ‘tools’ para ha pankalugaringon nga interes han mga ada ha posisyon.
