BUSINESS–Igpapatuman na an pag-umento ha mga toll rates ha Manila-Cavite Expresway (Cavitex) tikang ha Martes, ika 28 han Oktubre.
Ini in mahuman han pag-anunsyo han pangulo han han expressway nga gin-aprubaran na han Toll Regulatory Board (TRB) an mga petisyon para ha pag-hitaas ha toll fee.
Gin-aprubaran an bag-o nga toll rates para masuportahan an mga nagpapadayon nga upgrades ngan maintenance activities.
Para ha Cavitex R1 Portion o ha Seaside tikadto Zapote, ma-umento hini ha P39 tikang ha P35 an mga toll rates para ha Class 1 Vehicles o mga sarakyan sugad hiton kotse, motorsiklo, jeep, pick-up-truck, van, SUV, ngan AUV.
Ha Class 2 bvehicles o mga sarakyan sugad hitopn bus, gutiay nga trucks ngan pira nga dako nga van, mahitaas naman an toll rate ha P78 tikang ha P70.
Samtang, ha mga Class 3 vehicles o mga sarakyan sugad hiton mga mabug-at nga truck papahitas-an naman ini ha P117 tikang ha P104.
Para naman ha cavitex R1 Extension Segment 4 tikang Zapote tikadto Kawit, ginpapamando ha duha ka tranche an paghitaas ha toll-fee yana nga tuig ngan ha 2026 para maibanan an bug-at an epekto hini ha mga motorista.
Ha syahan nga tranche, para ha Class 1, tikang ha P73 ma-umento naman ini ha P88, para naman ha Class 2 , tikang P146 magigin P176 na, ngan ha Class3 naman tikang P219 kay magigin P264.
