TACLOBAN CITY – Igin kalipay han mga negosyante ha syudad an pag-ubos han inflation rate ha nasud dida han nakalabay nga bulan han Setyembre.
Sumala kan Philippine Chamber of Commerce and Industry Tacloban-Leyte Chapter President, Eugene Tan, maupay ine nga nahitabo nga pag-ubos han inflation rate ha nasud mahitungod nga ine na an pinakahamubo nga inflation rate nga nahitabo ha sulod han nakalabay nga upat katuig.
Dugang pa hine, ine nga magkasunod nga pag ubos han inflation rate ha nasud tikang dida han Agosto kutob Setyembre in sulod pa ha target range han gobyerno nga 4% ngada ha 4.5%.
Damo naman nga factors an naka-apekto ha pag-ubos han inflation dida han nakalabay nga bulan kun diin usa hine an stable nga pamresyuhan han mga papliton, pag-ubos han presyo han gasolina, ngan sugadman han bugas.
Naglalaum naman ine nga magpapadayon an hamubo nga nahipapatik nga inflation rate ha nasud ngan kun humitaas man daw in magin sulod la gihapon ine ha target range han gobyerno.
