TACLOBAN CITY– Kadungan hiton pagtikang han Kwarisma, magtitikang naman an syahan nga adlaw hiton pag-aayuno han mga muslim ha bug-os nga nasud.
Sumala kan Sultan Esmael Mesug, Chairman Brgy. 13 Shopping Center, Tacloban City/VP Muslim Community Tacloban City, niyan nga gabi in magbabantay an tanan nga mga muslim, ha pagsidlit hiton bulan ha bug-os nga nasud.
Kahuman nira makit-an an bulan in dayon naman hira mag aayuno kinabuwasan, kun diin bisan tubig in bawal hira nga uminom.
Mababaruan nga nabase mangud hira ha paglutaw hiton bulan ngan ine naman an basihan hiton syahan nga adlaw han Ramadan.
Matikang naman hiton 4:30-4:40AM an ira pag-aayuno, ngan maghuhuman naman ine kutob ha katunod hiton adlaw.
Nakadepende naman ine kun akos han usa nga indibidwal nga muslim, an mag-ayuno.
Pananglitan ha mga dire obligado, kabataan, senior with comorbidities, ngan adton mga kababayen-an nga mayda menstruation.
