TACLOBAN CITY – Nagin manilampuson an pagdumdum han ika 10-ka tuig nga anibersaryo han paglasurbo han Super Typhoon Yolanda nga gindumara ha syudad han Tacloban.
Nahuman naman an nasabi nga pag-obserba, kun diin nagkamay-ada hin usa nga Holy Mass ngan an tradisyunal nga pag-dagkot han kandila, kumo halad ha mga biktima nga tumalikod ngada ha butnga han pandistruso han nasabi nga bagyo.
Nagpadangat naman han iya pasasalamat hi Karen Tiopes, Regional Director han Department of Tourism – Regional Office 8, ha tanan nga nakig-usa ngan umatender ha nasabi nga anibersaryo.
Dugang pa han nasabi nga opisyal, nga an pagobserba han kinada-tuig nga anibersaryo han Super Typhoon Yolanda, in agud dire naton mahingalimtan an aton mga kapamilya, paryente, ngan kasangkayan nga nagkamatay hiunong han nasabi nga bagyo.
