TACLOBAN CITY – Mahugot nga pagdudumaraon an pag inspeksyon han mga business establishments ha syudad hitun Tacloban.
Sumala kan Gemafil Gaspay, Head hiton Business Permits and Liscensing Division, sunnod nga maabot nga semana in naka schedule na an pira nga mga establisyemento hin pag inspeksyon ha mga hotels, lodging house, restobars ngan iba pa nga mga establisyemento nga napailarom hiton minor proctection ordinance.
Ginmalatumat han mao nga opisyal, nga an ordinansa nga ginpapatuman in dire pwede an mga minor nga mag check-in ha mga hotels ha syudad.
Dugang pa hine, kasugbong an DSWD ha pag-inspeksyon nga igpapatuman han mao nga buhatan.
Nagpahimatngon an nasabi nga opisyal, nga kun makasabot hira nga nakarawat an mga hotel establishments hin mga minors in posible an mga ine nga mayda kaatubangon nga penalidad ngan posible nga pasiradhan an ira negosyo.
