NATIONAL – Nag alutaga an Pag-IBIG Fund hin P250 billion pondo para ha 751,494 nga pabahay an gobyerno para ha mga kablas ha ilarom han Pabahay Para sa Pilipino Housing (4PH) program han administrasyon ni Pangulong Ferdinand Marcos Jr. nga target mahuman ha Hunyo 2028.
Sumala kan Pag-IBIG CEO Mariline Acosta, mas hitaas hin 46.12% an bag-o nga target kumpara ha nauna nga administrasyon. Nahipatik gihapon hine nga mayda na nakatudlok ha 4PH program sugad han developers, contractors, ngan local government agud mapadagmit an pagpapatindog han mga balay.
Syahan na nga naaprubahan dida han Mayo an P32.76 billion nga pautang para ha 4PH, ngan P4.06 billion na an naihatag para ha mga proyekto. Naglunsar na gihapon an Pag-IBIG hin 4PH Online Sign Up para ha mas madagmit nga pagpili hin mga balay gamit an smartphone.
Nagdig-on hi Acosta nga an pabahay in katungod han kada Pilipino, ngan dire dapat ig konsidera nga prebelihiyo. Padayon gihapon an pag-ursa han tirok han mga membro nga umabot na ha P40.41 billion ha syahan nga quarter han 2025.
