INTERNATIONAL – Nakatalaan ha Septyembre 7 an pagcanonize han gintatawag nga syahan nga milenyo nga santos nga hi Carlo Acutis.
Ginpasamwak ni Papa Leo XIV an pag-canonize kan Acutis, nga amo an magigin syahan nga pagkakanonisar hin usa nga papa dida han iya paglingkod.
Bubuhaton unta ini dida han Abril 27 pero gin-ugsod ini tungod han pagkamatay ni Pope Francisco.
Namatay hi Acutis ha edad nga 15 ha Norte nga Italya han 2006 tungod han leukemia.
Han iya kinabuhi, mahilig hiya mag-hiking, mag-video games ngan mag-joke ha iya mga sangkay.
Nagtutdo hiya hin katekismo ha mga lokal nga parokya ngan nabulig liwat ha mga waray urukyan.
Tungod han iya kaabtik ha kompyuter, naghimo hiya hin online exhibit mahitungod han sobra 100 nga milagro han eukaristiko nga ginkilala han singbahan ha sulod hin mga siglo.
An iya lubnganan in nagin pilgrimage site dida han tuig 2025, kun diin iginbubutang hiya ha lungon nga salaming ngan nakasul-ot la hin maong, sweatshirt ngan tennis shoes.
