TACLOBAN CITY – Gintipahan han pira nga youth leaders an suhestyon nga pagbungkag han Sanggunian Kabataan.
Ini in mahuman nga igsuhestyon ni Department of Interior and Local Goverment Secretary Jonvic Remulla an pagbungkag ha Sanggunian Kabataan mahitungod nga pira nga SK officials na an dire nagta-trabaho hin maupay.
Sumala kan Former Alangalang SK Federation President ngan Local Youth Development Officer, Jan Reian Niño Saavedra, damo an ‘roles’ han Sanggunian Kabataan ha barangay, kun diin an mga SK Chairperson in kaparte han Sanggunian Barangay.
Dugang pa hini, mayda mga panahon nga gindadaop ha barangay an mga problema ha edukasyon, mental health, youth employment, ngan sports development, kun diin kaurugan hini in gintututukan han mga SK Chairman.
Gintagan-duon pa ni Saavedra nga an pagigin usa nga SK official in nagseserbi nga ‘training ground’ para ha mga magigin lider ha masunod nga mga panahon, ngan dire training para han pagigin korap.
Dako manggud an kaibhan han usa nga politiko nga umagi anay ha pagigin SK kumpara ha diretso la nagin Konsehal o anuman nga hitaas nga posisyon, mahitungod nga an politiko nga nag-SK anay in mayda na gidaan eksperyensya ha pagserbisyo ha publiko.
Ha kamatuuran daw, sumala pa kan Saavedra, damo nga mga lider han nasud an nagtikang ha pagigin SK official sanglit nangangaruyag-sidngon la ini nga ha kaluyo han damo nga isyu han SK, in epektibo la gihapon ini.
Manunumduman nga ginpahayag ni SILG Secretary Remulla nga ha sobra 42,000 nga barangay ha nasud in haros 50% ha mga ini an waray na magtrabaho kahuman la han syahan nga termino.
