Posible nga dire ha ngatanan han pagdungog in kinahahanglan han presensya ni Vice President Sara Duterte ha oras nga madayon an impeachment trial kontra ha iya, subay ha iya kampo.
Ginmalatumat ni Atty. Michael Poa, tagapagyakan han defense team han Bise Presidente, nga an pag-atender ni Sara Duterte ha mga pagdungog in nakadepende kun kinahanglan hiya han hukumnan ha partikular nga pagdungog.
Iginpunto gihapon niya nga dire naman pirme kinahanglan an presensya han akusado ha ngatanan han hearing sugad han nagin praktis ha mga nakalabay nga kaso sugad han impeachment trial ni late Chief Justice Renato Corona.
Ha oras nga maisalawad ngan ma-transmit han Kamara de Representantes an Articles of Impeachment, ginlalauman nga magko-convene an Senado kumo impeachment court.
Gin sigurado han kampo ni VP Sara nga andam hira magpartisipar ha oras nga madayon an impeachment trial.
