TACLOBAN CITY – Gindumara kakulop nga adlaw, Oktubre 25 an pag-abri han Boy Scout ngan Girl Scout program han DepEd Tacloban City Division.
Sumala kan Department of Education (DepEd) Tacloban City Division Information Officer, Dr. Nilo Eder, gin dumara an kick off ha bug-os nga dibisyon han nasabi nga aktibidad dida han nakalabay nga Oktubre 1.
Gindumara naman kagab-i, Oktubre 25, an camporal ngan encampment han parehas Boy Scout ngan Girl Scout kun diin inisyatibo ine han Distrito.
An nasabi nga camporal ngan encampment in mayda naman permiso tikang ha Schools Division Superintendent ngan katugutan tikang ha mga kag-anak han mga istudyante nga bulig.
Dugang pa hine, secured naman daw an seguridad han mga kabataan mahitungod nga ada la ine ginbuhat ha sulod han usa nga campus ha syudad.
