NATIONAL – Gin kumpirma han buhatan han Philippine Air Force nga fully operational na utro an ngatanan han ira FA-50 fighter jets.
Manunumduman nga ginpailarom ine ngatanan ha inspeksyon mahuman nga mag-crash an usa nga unit hine ha Bukidnon kun diin nagresulta ine hin pagkamatay han duha nga piloto hine.
Ha usa nga pahayag, ginmalatumat ni Air Force Spokesperson Col. Ma. Consuelo Castillo nga an pagpailarom ha mahugot nga panginano in agud masigurado kun talwas pa nga gamiton an ngatanan nga unit hine.
Dugang pa hine, ine in kaparte han ira Standard Operating Procedure ha nasabi nga sarakyan mahuman an naglabay nga aksidente nga ginkadabihan hine.
Kaupod ha mga ginpanginano in kun waray technical problem an parte han pako hine.
Mahitungod hine, ginmalatumat ni Castillo nga igsasabak nga utro ha tikaharani nga COPE Thunder Exercises an nasabi nga eroplano kaupod an mga tinaglawas tikang ha US.
