NATIONAL NEWS– Ginpapa-imbestigaran na ni Senador Robinhood Padilla an report kasumpay ha usa nga staff niya n nga gin-aaligar nadakop nga nagamit hin ang marijuana samtang nakadto ha CR.
Sumala kan Atty. Rudolf Philip Jurado, chief of staff ni Padilla, naghuhulat pa hira hin incident report ngan written explanation tikang ha Office of the Sergeant-at-Arms (OSAA) kasumpay ha nasabi nga empleyado.
Ginklaro gihapon niya nga waray hiya igpatawag han OSAA, lugod in boluntaryo ine nga kumadto agud nga kompirmahon kun an ira opisina an gintutudlok han nasabi nga insidente ngan agud nga makakuha hin kopya han insidente hiton report.
Sumala kan Sergeant-at-Arms Aplasca, padayon pa an ira imbestigasyon ngan kun mahuman na ine in magsusumiter hira hin report kan Senate President Chiz Escudero.
Padayon gihapon an ginhihimo nga random drug test ha mga empleyado ngan staff han Senado.
