Gin kumpirma ni retired boxing champion Manny Pacquiao nga makakaatubang niya ha usa nga exhibition fight hi anay junior welterweight world champion Ruslan Provodnikov.
Pagbubuhataon an mulay hine kontra ha Russian boxer ha maabot nga Abril 18 ha Las Vegas.
Ini na an ikaduha nga mulay hine tikang han utro nga bumalik ha boksing mahuman an iya retirement.
Urhi manggud nga nagmulay an 47-anyos nga hi Pacquiao dida han Hulyo han nakalabay nga tuig kun diin naghuman ha majority draw an mulay hine kontra kan WBC welterweight champion Mario Barrios.
Gin malatumat ni Pacquiao nga kada nakikigtumparak hiya in dara niya an bandera han Pilipinas mahitungod nga dako nga inspirasyon niya an mga suporta han Pinoy tikang ha magkaduru-dilain nga parte han kalibutan.
An eight-division world champion in mayda record nga 62 nga daog, walo nga perdi, ngan tulo nga draws nga mga naglabay nga mulay hine.
Samtang an 42-anyos nga hi Provodnikov naman in mayda record nga 25 nga daog, lima nga perdi, ngan 18 nga knockouts.
