-- Advertisements --
NATIONAL – Maduon nga ginpanhimuwa ni Metro Manila Development Authority (MMDA) Chair Atty. Romando Artes an nagsasarang nga post online nga daw mayda hira P787.6 billion pesos nga pondo para ha flood control program ha nakalabay nga duha katuig.
Ginpahayag ni Artes nga waray hira sugad kadako nga pondo bisan pa kun pag-urusahon an pondo han MMDA han 49 katuig tikang han igtukod an ira opisina.
Ha kamatuuran daw, dida han 2023 in mayda la hira P1.8 bilyon nga budget, samtang yana nga 2024 in mayda la hira P2.2 billion.
Kaupod na daw dinhin an P400 million nga pondo para ha operations and maintenance han 71 pumping stations.
