Target han Department of Budget and Management (DBM) nga igsalawad an P7.2 trilyon nga panukala nga nasyonal nga badyet para ha sunod nga tuig ha Agosto 14.
An target nga pagsumite han National Expenditure Plan (NEP) para ha 2027 in duha ka semana mahuman an ikalima nga State of the Nation Address (SONA) ni Presidente Ferdinand Marcos Jr. dida han Hulyo 27. Sakob pa ini han gintudlok han batas nga 30 days tikang han pag-abri han regular legislative session nga dungan han SONA.
Siyahan na nga ginpahayag han Development Budget Coordination Committee (DBCC) nga ginpapamunuan han DBM an nasyonal nga badyet ha sunod nga tuig ha P7.2 trilyon o kapareho hin 21.7% han gross domestic product (GDP) han nasud.
Mas hitaas liwat hin unom ka porsyento an panukala nga pondo ha 2027 kumpara yana tuig nga aada ha P6.793 trilyon.
