Posible ipabalik han Commission on Audit an P612.5 million nga confidential funds ni Vice Pres. Sara Duterte.
Ha impeachment trial in ginmalatumat ni COA state auditor Xylene del Campo nga puydi i-disallow han ahensya an bug-os nga confidential funds han Office of the Vice President ngan ha Department of Education.
Gintudlok ni Senate Pres. Win Gatchalian nga nauna na nga ginmalatumat ni del Campo nga may notice of disallowance an COA kasumpay ha P375 million nga confidential funds an OVP hadton siyahan nga tulo nga quarters han 2023 mahuman maihatag han anay special disbursing officer nga hi Gina Acosta an pondo ha head han security han bise presidente nga hi Col. Raymund Lachica nga natalapas ha ilarum han Joint Circular 2015-01.
Kun naisyuhan mangud hin notice of disallowance, karuyag signgon may nakita an COA nga iregularidad ha paggamit han confidential funds ngan kinahanglan ibalik an kwarta ha gobyerno.
Ginmalatumat ni del Campo nga mahitungod ha bag-o nga impormasyon in posible repasuhon an credit notices nga siyahan gin-isyu ha DepEd mahitungod nga dire hira maaram nga ginhatag ngay-an han SDO ha iba an pondo.
