NATIONAL NEWS– Umapela an grupo nga Malusog at Matalinong Bata Coalition nga matagan hin dugang nga insentibo nga panlawas an mga burod nga misis.
Ine in agud masuportahan an mga bata ha ira matres kaupod na an mga bata nga kapapanganak pala ngada ha edad nga duha katuig.
Gindumara han grupo an panawagan mahitungod ha daw isyu han pagkabansot kun diin usa tikang ha tulo nga bata nga Pilipino in nababansot o dire nahitaas.
Sumala ha co-convenor han grupo nga hi Lyonel Tanganco, ginhahangyo nira ha gobyerno nga matagan hin kadugangan nga P400 nga binulan nga insentibo an mga burod nga misis o kaparehas han P13 kada adlaw.
Naglalaum naman an grupo nga maihahatag an nasabi nga hangyo labi na nga padayon an paghitaas han ihap han mga nagbuburod ha Pilipinas.
