NATIONAL – Naipanhatag na han Department of Social Welfare and Development (DSWD) an sobra P4.1 milyon nga humanitarian assistance para ha mga pamilya nga apektado han paglasurbo han naglabay nga bagyo Crising.
Ha presscon, gin pahibaro ni DSWD spokesperson Irene Dumlao nga gin dul-ungan an mga ginlasurbo nga pamilya hin mga inisyal nga bulig nga ginbubug-os han family food packs ngan non-food items.
Saubay ha datos tikang ha ahensya ngan Office of the Civil Defense (OCD) kakulop nga adlaw, umabot na ha sobra 68, 000 nga pamilya nga ginbubug-os han 215,000 nga indibidwal an apektado han bagyo ha Ilocos Region, Cagayan Valley, Central Luzon, MIMAROPA, Bicol Region, Western Visayas, Central Visayas, ngan Zamboanga Peninsula.
Ada naman ha kabug-usan nga 5,400 nga indibidwal an igin bakwit tikadto ha mga evacuation centers.
Samtang, sumala kan ASec. Dumlao, padayon nga nakabantay an ira field offices ngan quick response teams ha sitwasyon ha mga lugar nga gin agian han bagyo.
