NATIONAL NEWS- Lusot na ha House Committee on Appropriations an ada ha P27.3 billion proposed 2026 budget han Office of the President (OP).
Ine in mahuman nga ma terminate dayon han komite an budget deliberations han Office of the President matungod ha “Parliamentary Courtesy.”
Ada naman ha 56 nga lawmakeres an bumutos hin pabor, ngan 5 naman dinhi an waray pumabor.
Pag-esplikar ni Bersamin, nga matutunga ine ha duha nga parte an balaodnon nga budget han Office of the President para ha tuig 2026.
An iba hine in mahihingadto ha mga aktibidad ngan proyekto samtang an dako naman nga parte in gagamiton ha pagho-host han Pilipinas ha ASEAN 2026.
Dugang pa ni Bersamin nga mas hamubo ine kumpara ha proposed budget han Office of the President han nakalabay nga tuig.
