NATIONAL | Sumaka na ha kabug-usan nga P24.7 billion an kantidad han assets nga na-freeze an Anti-Money Laundering Council (AMLC) kasumpay ine ha flood control anomaly.
Ine in mahuman makakuha hin panibag-o nga freeze order an konseho tikang ha Court of Appeals.
Subay ha AMLC, kalakip ha panibag-o nga freeze order an assets han duha nga kontraktor nga nakakuha hin mayorya nga ghost flood control projects ha Bulacan, usa nga negosyante ngan pira pa nga indibidwal ngan entities nga kanita ha haluag nga infrastructure corruption scandal.
An mga assets nga sakop han freeze order in bank accounts, e-wallet accounts, insurance policies, security accounts, investment accounts ngan real properties.
Ginlalauman naman nga madudugangan pa an kantidad nga na-freeze nga assets samtang nagpapadayon an imbestigasyon ha maanomaliya nga infrastructure projects.
