TACLOBAN CITY– Ginpahibaro han Department of Agriculture Region 8, nga ugsa umigo an bagyong Kristine, in nagkamayda anay hira hin assestment ha mga area nga posible agi-an han nasabi nga bagyo.
Sumala kan Division Department of Agriculture Chief Field Operations, Rodel Macapañas, an nasabi nga mga area in gintatawag nira nga vulnerable matungod nga mayda an mga ine pananom, nga pwede maguba matungod han bagyong Kristine.
Ginmalatumat hine nga ha ira advance monitoring, ada ha 89,905 hectars an kahumayan ngan kadam-an in ada na harvesting season.
Dugang pa ni Macapañas, nakabulig gihapon an ira advance advisories ha publiko,partikular na hadton na-ngangandaman para ha pananom hiton humay.
Ha pagkayana, nagpapadayon an ira panginano ha mga report ngan verification ha ira buhatan.
Ha ira datos, ada ha 58 hectrars na ha pantag hiton humay an apektado han bagyong Kristine, nakaghipatik na gihapon hin partially damage ha mga mais ngan high value crops.
Ginbabana-bana naman han ira buhatan, nga maabot ha 2.5M na an ginbayaan nga danyos han nasabi nga bagyo.
Ginkokonsidera han mga ine nga an probinsya han Northern ngan Eastern Samar, an duro nga apektado han kalain han panahon.
Padayon naman an ira pamulat para ha iba nga lugar ngan para hiton kabug-usan nga danyos han bagyong Kristine ha Sinirangan Bisayas.
