-- Advertisements --
TACLOBAN CITY – Ginbabana-bana na nga igpapatuman iton umentado nga pamasahe ha mga MCH o tricyle ha mga masunod nga semana.
Sumala kan Joseph Tangile, President han MCH drivers ha Tacloban, dayun daw nira nga igpapatuman an pasahe nga P12 kun mahilusad na an ordinansa haira nga mga drivers pero samtang daw waray pa an ordinansa in dire la anay hira manunukot han umentado nga pasahe.
Kun mahipalusad na daw an ordinansa in dadara-daraon ine nira ngan igpapadukot ha ira mga sarakyan para in kaso daw magreklamo an pasaheros in may-ada hira igpapakita nga papel.
Dugang pa hine, may posibilidad daw nga ha mga masunod nga semana o syahan nga semana hiton Oktubre in igpapatuman na ine nga umento han pasahe.
