-- Advertisements --
NATIONAL NEWS– Ginbuyagyag ni Budget Secretary Amenah Pangandaman nga mayda naka-alutaga nga pondo para ha 2025 national budget nga ginpatapod ni Pangulong Ferdinand Marcos Jr kun diin magkakamayda hin health maintenance an mga mantratrabaho ha gobyerno.
Subay hiton kalihim nga ada ine ha P6.35 trillion proposed national budget para ha masunod nga tuig, kun diin mayda gin-alutaga nga haros P10 bilyon o kabalyo han tag-P7,000 kada empleyado ha kada tuig para ha health maintenance organization o HMO.
Ha pagkayana, ginhuhulat gihapon nira an pagpapagawas han Pangulo hin executive order kasumpay ha nasabi nga himangrawon.
