Lusot na ha House of Appropriations panel an panukala nga P10,155,758 billion budget han Office of the President para ha fiscal year 2027 ha sakob la hin 15 minutos, mahuman tagan hin parliamentary courtesy ha kaluyo han pag diri han pira nga mga minority lawmakers.
Hi Executive Secretary Ralph Recto an umatubang ha appropriations panel para idepensa an subra P10 billion nga budget han Office of the President.
Samtang, nagtutuo naman hi Recto nga sadang an mao nga pondo agud mabaton an mga panginahanglan han nasud ha panahon nga nagsusurunod an gin kakaatubang nga hulga ha sakob ngan gawas han nasud kaupod na an mga tensiyon geopolitical ngan kasamok ha Middle East, mga bagyo, El Niño, ngan iba pa nga kalamidad.
Mahuman an nagin presentasyon ni ES Recto, naghaon naman han iya mosyon hi Minority Leader Marcelino Libanan nga tagan hin parliamentary courtesy an OP kundiin, gintatapos hini an interpellations nga sinegundahan naman ni Senior Deputy Rep. Ferdinand Hernandez.
Mababaruan nga dako an budget han OP para ha 2026 mahitungod ha hosting han Pilipinas ha ASEAN (Association of Southeast Asian Nations).
