Gin pahayag han transport group nga MANIBELA, nga dire supresyente an aprubado nga P1 nga umento ha pasahe ha ngatanan han public utility vehicles (PUVs) ha butnga han padayon nga paghitas han pesyo han lana.
Sumala kan MANIBELA President, Mar Balbuena, mas dako pa an kinikita han mga tawo nga namamalimos ha luyo han jeep kumpara ha mismo mga drayber.
Sumala ha Land Transportation Franchising and Regulatory Board, magtitikang an P1 nga dugang-pasahe ha traditional jeepney ha syahan nga upat kakilometro tikang ha P13 ngada ha P14, ngan mayda dugang nga 20 centavos kada kilometro tikang P1.80 ngada P2.
Para ha modern jeepney, P2 an dugang ha minimum fare tikang ha P15 ngada ha P17.
Dire sakop han dugang-pasahe an regular taxis ngan motorcycle taxis.
Ugsa an desisyon, naghangyo an MANIBELA hin P2 nga dugang ha tradisyunal nga jeepneys, mahitungod nga damo ha mga draybers an nawawad-an hin P400 ngada ha P500 nga kita kada adlaw mahitungod han hitaas nga presyo han diesel.
Mahitungod hini, napipiritan nga bag-uhon han mga drayber an ira iskedyul agud makalikay ha kompetisyon ha mga pasaheros, labi ha off-peak hours.
