Iginduon ni Senador Win Gatchalian an paghahatag hin P1,500 nga binulan nga bulig-pinansya ha mga nakita la hin mininum nga sweldo.
Ha preliminary report han Proactive Response and Oversight for Timely and Effective Crisis Strategy (PROTECT) committee, iginpunto ni Gatchalian nga an krisis ha Middle East in nagdudurot hin pagkawara han kapas nga pumalit han mga empeyado mahitungod ha malaksi nga paghitaas han presyo han papliton kumpara ha sweldo.
Ada ha lima ka-milyon nga minimum wage earners an ginlalauman nga makakatagamtam han binulan nga P1,500 nga bulig ha oras nga madayon ini.
An iginduduso nga programa in magkakantidad ha gobyerno hin sobra-kulang P7.5 milyon kada bulan.
Syahan na nga gin sigurado han Department of Budget and Management (DBM) ha publiko nga mayda mga contigent fund nga nakaalutaga ha oras nga igpatuman han Department of Labor and Employment (DOLE) an pagpapahalawig han bulig-pinansyal ha mga minimun wage earner nga apektado han presyo han gasolina.
Gin malatumat gihapon han Malakanyang nga pag-aadman han gobyerno an hangyo nga bulig-pinansyal ha mga minimum wage earner, middle classes, ngan mga empleyado han gobyerno nga apektado gihapon han krisis ha lana nga resulta han kasamok ha Middle East.
