NATIONAL NEWS– Ginpanhimuwa hiton Office of the Vice President nga gin pahulat nira an mga magbaralaod hin 17 ka-oras ha butnga han plenary debate ha igin duduso nira nga budget ha Kamara.
Ini in kumo baton han OVP ha pagkwestyon ni Kabataan Party-list Rep. Raoul Manuel ha diri pag-atinder ni VP Sara Duterte ha House plenary hearing.
Kasumpay hini, igin pahayag han mga magbaralaod nga nag-hulat hira hin 17 ka-oras tikang 10:00 han aga han Lunes kutob 3:00 han aga han Martes.
Pag-isplikar naman han OVP, aga pala han Setyembre 16 han makarawat han House budget sponsor nga hi Lanao del Sur 1st District Rep. Zia Adiong an surat tikang ha ira opisina.
Nakabutang ha nasabi nga surat nga igintutubyan na ni VP Sara an deliberation ha igin duduso nga pondo para ha OVP ha plenaryo han House of Representatives.
