TACLOBAN CITY– Ginkumpirma han Commission on Higher Education Region 8, nga nakapaghatag na hira hin closure order para ha eskwelahan nga Our Lady of Mercy College Borongan City.
Sumala kan Commission on Higher Education Region 8, Regional Director, Dr. Maximo Aljibe, nakabutang ha nasabi nga closure order nga kutob Mayo 2025 nala puydi makapag-operate an mao nga eskwelahan.
An matatabo in makakagradwar an current 4th year students yana nga tuig, samtang an mga 1st-3rd year level, in mabalhin ha mga accredited schools han CHED.
Gintagan doon gihanpon ni Aljibe, nga gintagan nira hin palugit ngan extension an mao nga eskwelahan para ha ira mga requirements ngan compilation han mga importante nga dokumento nga kinahanglan han mao nga ahensya.
Manunumduman, nga damo gihapon nga mga estudyante an nagkwestyon ha CHED, nga kun anu waray pa ine nira igpapasara ha kaluyo han kapakyasan hine nga makagsumiter hin mga reports.
Dugang ni hini, nga usa nga nakikita nira nga rason han kapakyasan han OLMC makag-comply in mahitungod nga dire maupay an pagpapadalagan han management ha ira mga records.
Samtang, nagpahayag naman hi Alijibe nga ha oras nga makag-comply an OLMC in pwede hira magre-apply utro, ngan naglalaum gihapon ini nga makakasumiter an nasabi nga eskwelahan hiton ira kaangayan nga resikitos ugsa umabot an deadline.
