TACLOBAN CITY– Nananawagan an Office of the Senior Citizens Affairs – Tacloban, ha mga senior citizens, nga bisitahon an ira opisina, agud nga mahibaro an mga ine kun anu nga mga benepisyo an ira pwede nga ma-avail yana nga tuig.
Sumala kan Office of the Senior Citizens Affairs – Tacloban Head Flor Menzon, yana mangud nga tuig in mayda hira nakalatag nga mga programa kun diin prayoridad an mga kalagsan hiton syudad.
Usa ha ira mga gin-andam an pag-upgrade han ira senior citizen IDs, ngan mga booklets.
Dugang pa ni Menzon, labot la hine kalakip ha ira gin-andam an regular nga free movies, kinada Lunes nga adlaw.
Nagpatapod naman an nasabi nga buhatan, nga padayon nira aatimanan an mga kalagsan, kaupod an ira mga benepisyo nga katungod han mga ine makarawat.
