TACLOBAN CITY – Ginpailarom ha lockdown an Ormoc District Hospital mahuman nga magpositibo ha COVID-19 an pira nga mga healthworkers.
Sumala kan Ormoc City Mayor Richard Gomez, nga may usa nga nurse han Ormoc District Hospital nga umuli ha ira lugar umatinder hin party ngan pagbalik hini ha trabaho in mayda na sintomas gin-aabat ngan han ig swab test in nagpositibo ha COVID-19 kun diin natapnan liwat an iya 2 nga igkasi nurses.
Kasumpay hini in dayon nga nagdeklara hin lockdown ha mao nga ospital agud nga makagdumara hin contact tracing ngan swab testing.
Labot la ha mga igkasi healthworkers ngan staff han ospital in lakip gihapon ha contact tracing an mga pasyente hini nga naka confine pati na an mga nadischarge na nga iya ginkahibalag.
Ha pagkayana in ada ha 310 nga mga empleyado ngan pasyente han Ormoc District Hospital an padayon nga gincocontact tracing.
