TACLOBAN CITY – Nag-aandam na an lokal nga pamunuan han Ormoc City hin pondo para makapalit hin COVID 19 vaccine para ha mga molopyo hini.
Ha usa nga interview ginpahayag ni Ormoc City Mayor Richard Gomez kon ingkaso makapalit an Ormoc City government hin bakuna, libre ini nga ighahatag ha mga senior citizens, mga frontliners ngan adton may mga commorbidities tungod nga hira in aada ha listahan han kinahanglan nga magin prayoridad.
Mag aalutaga an LGU Ormoc hin 300 million pesos nga pondo para pagpalit hin bakuna pero magdedepende pa ini ha abilable nga pondo.
Ha pagkayana in ginkahimangraw na han alkalde an ira budget officer ngan nagbug os na liwat hira hin Covid-19 Vaccine Task Force nga matutok ha mao nga himangrawon.
Ginpahayag pa ni Gomez nga kinahanglan nga gumios an local government unit (LGU) ilabi pa nga posible magkulang an bakuna nga ighahatag han national government ha mga LGUs.Mababaruan nga ginpahayag ni DILG USEC Jonathan Malaya Diri ginpapagbawalan an mga LGU nga pumalit hin vaccine nga gin aprubahan han FDA para igdugang ha ighahatag han national government.
