SAN MIGUEL, LEYTE – Nagdumara hin Operation Tuli an Regional Advisory Group for Police Transformation and Development 8 (RAGPTD-8) ha San Miguel, Leyte kun diin labot pa hine in nanhatag gihapon an mga ine hin school supplies ha mga kabataan han Brgy. Pinarigusan, San Miguel, Leyte.
Sumala kan San Miguel Municipal Police Station Acting Chief of Police, PCapt Fidel Triste Jr., ada ha 50 nga mga kabataan an nakabenipisyo han libre nga panuri ngan nakakarawat hin mga school supplies.
An nasabi nga aktibidad in mayda tema nga “Empowering Futures, One Bag at a Time,” ngan nahimugso pinaagi han pakigbinuligay ha Police Regional Office 8, Regional Medical and Dental Unit 8 (RMDU 8 ), Regional Police Strategy Management Unit 8 (RPSMU 8 ), San Miguel Municipal Police Station, ngan mga tauhan han Rural Health Unit (RHU) han nasabi nga munisipyo.
An panuri in usa nga importante nga tradisyon ha kultura han Pilipino nga ginhihimo para ha mga kabataan nga kalalakin-an.
Samtang, labot la nga ine in kultura, nagdudurot gihapon ine hin benepisyo ha panlawas, sugad han paglikay ha impeksyon ngan pagpapabilin han kalimpyo han pribado nga parte han lawas han usa nga lalaki.
